كۆمپانیای‌ ئه‌پڵ به‌نیازه‌ دوو ئامێری‌ نوێی‌ ئایفۆن به‌چه‌ند قه‌باره‌یه‌كی‌ جیاواز به‌رهه‌م بهێنێت.

به‌گوێره‌ی‌ زانیارییه‌كان كه‌ كۆمپانیای‌ (فۆكسفۆن)ی‌ ژاپۆنی‌ ئاشكرایكردوه‌، كۆمپانیای‌ ئه‌پڵ به‌نیازه‌ مۆبایلی‌ ئایفۆنی‌ 6 به‌دوو شاشه‌ی‌ قه‌باره‌ جیاواز به‌رهه‌م بهێنێت، كه‌ ئه‌وانیش قه‌باره‌ی‌ (4.7) ئینج‌و (5.7) ئینجه‌.
كۆمپانیاكه‌ ئه‌وه‌شی‌ خستۆته‌ڕوو، هه‌ردوو ئامێره‌كه‌ هاوشێوه‌ی‌ ئایفۆنی‌ 5، له‌رێگه‌ی‌ په‌نجه‌مۆری‌ به‌كارهێنه‌ره‌وه‌ كارده‌كات، یاخود له‌ڕێگه‌ی‌ چاوی‌ به‌كارهێنه‌ره‌وه‌ كارده‌كات.
به‌گوێره‌ی‌ زانیارییه‌كان، بڕیاره‌ له‌مانگی‌ ئه‌یلولی‌ ئه‌مساڵ ئه‌و جۆره‌ نوێیه‌ی‌ ئایفۆن له‌بازاڕه‌كاندا بڵاوبكرێـته‌وه‌.